اعضاء دوار العمده وزواره اصحابى واخواتى
ازيكم عاملين ايه
انا بئالى فتره كبيره اوى مش كتت اى مقالات او مواضيع اواى حاجه
بصراحه مش عارف مش كان ليه مزاج خالص
المهم انا جوايا حاجات كتير اوى وقعدت افكر حاطلعها ازاى
يامحمد ازاى قولت ادخل افضفض معاكم شويه
واوجع دماغكم شويتين
انا بئالى فتره بيحصل او بشوف حاجات بظروف شغلى كامحامى
يعنى ناس بجد خساره فيها انها تتنسب لينا كامصريين
عارفين انا شايف ان الى حايغير مصر مش حكومه تتغير
انا شايف الى حايغيرها احنا كامصرى مش حاجه تانيه
يعنى فى موظفين كتير جدا بيروحو اشغالهم عايزين يفضلو قاعدين
على مكاتبهم ولا يشتغلو ولا يبزلو اى مجهود وفى الاخر يقولك احنا مش بنتقدم ليه احنا
امته حانكون كويسين ويفضل يتكلم طاب ياعم ماتبدا بنفسك لا مش بيبص لكده
وواحد تانى مش بيعمل اى شغل او يخلص حاجه من شغله الابالرشوه
لو سمحت يا استاذ عايز كذا طاب ماتشوف نفسك اشوف نفسى ازاى ده شغلك وبتقبض عليه
مرتب اخر الشهر وبعدين مثلا تيجى تقول ليه ده بيعمل كده تلاقيهم بيقولك ياعم بص لمرتبهم
يعنى ربنا مش مبارك ليك فى مرتبك وحايبارك ليك فى الفلوس الحرام دى ازاى طيب
نفسى كل واحد يبص لنفسه قبل مايبص للاخرين يحاسب نفسه
يشوف هوه عمل ايه صح النهارده وعمل ايه غلط
يمكن ساعتها نتغير بجد
وانا بوجه كلمه لكل مسؤل او موظف على كرسيه بجد حرام اتقى الله اتقى الله
واقرب حاجه بقولها لاتحاد الكوره المصرى حرام عليكم اتقوالله
بقولها للسفراء بتوعنا فى كل بلد حرام عليكم اتقوا الله
بقولها لكل واحد سمح لنفسه انه يشغل حد مش يستاهل يشتغل
فى المكان الى هوه فيه انا عارف انك بتعمل ده بتقول علشان هوه
قريبك او حاتاخد منه مصلحه علشا كده بتعينه او بتخاليه ياخد منصب معين
انا عايزك تبص على الى بعد كده شوفه هوه لمى مش يكون يستاهل ده
حايتسبب بضرر لكام شخص حايضيع حق كام شخص بص لده بص انه فى يوم ممكن يضيع حقك انته
او حد تعرفه انه ممكن يضرك حتى من غير مايقصد وده لانه جاهل
مش يقدر يتحمل مسؤليه المكان الى هوه فيه
معلش ان كنت اطالت عليكم بس بجد كنت عايز اتكلم
وياريت كل واحد يدخل يفضفض يقول الى فى قلبه
يمكن يرتاح!