![¤©§§©¤][منتدى دوار العمـــــده ][¤©§§©¤](https://i.servimg.com/u/f85/13/15/91/84/ouoo-o13.gif)
لما تكبر نفسك تطلع ايه ؟؟؟؟؟؟؟؟؟؟؟؟؟؟؟؟؟؟؟؟؟
ديه السؤال الى دايما كنا بنتساله واحنا اطفال لما تكبر نفسك تطلع ايه يا حبيبى .....وايه بقى الردود كانت على ما اعتقد متشابهه يعنى اغلبيه الصبيان كانو دايما يقولو لما اكبر نفسى ابقى ظابط وكاننا عايشين فى بلد عسكرى ومافيش كليه غير كليه شرطه مافيش بقى طب ولا هندسه ولا حقوق لا ظابط ولو تيجى تسال بنوته كانت تقولك انا نفسى اطلع مدرسه وعارفين ليه لان المدرسه زمان كان ليها تاثير كبير اوى فى تلاميذها وبيبقو طيوبين كده وحنينين المهم تعالى بقى دلوقتى واسال طفل من الاطفال الى هما المفروض يبقو احباب الله ... نفسك تطلع ايه يا حبيبى ؟؟؟؟؟؟
شوف بقى الاجابه الى يقولك نفسى ابقى مغنى
والى يقول نفسى ابقى طبال
والى يقولك نفسى ابقى مدرس علشان ادى ردوس خصوصيه
والى يقولك عايز ابقى لعيب كوره علشان ابقى غنى ...... والى يقولك ويقولك ويقولك
بزمتكو مش بيحصل هات طفل دلوقتى وشوف نفسك زمان لما كنت طفل واسال طفل دلوقتى نفسك تطلع ايه وشوف نفسك زمان لما كان حد يسالك سوال زى ديه ..
هاتلاحظو فرق كبير وتاكن اطفال اليومين دول تفكيرهم مادى واحنا كنا ملايكه ... اه والله كنا ملايكه انت تشوف الولد من دول وانتى تشوفى البنوته من دول وتحيسى انك مكنتيش بنت لما كنتى قدها وانك مكنتيش ولد لما كنت قده ..
ياترى ايه الى حصل وغير زمانا من زمن غيرنا وليه اطفال الان غير لما كنا زمان هل علشان الازمه الى دايره فى البلد وبطاله وكده ولا ايه السبب الى خلى اطفال اليومين دول تفكيرهم يختلف عن تفكير اطفال زمان .........................
ديه موضوع للنقاش ويارب كلنا نشارك ونشوف ايه السبب الكبير فى التغيير ديه
جزاكم الله كل خير ويارب كلنا نستفيد
