¤©§§©¤][منتدى دوار العمـــــده ][¤©§§©¤

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


    لعلة خير لنا جميعاً ..... ادخل وشوف ازاى لعلة خير

    شاطر

    محبه الله والرسول
    مولود جديد بالدوار
    مولود جديد بالدوار

    انثى
    عدد الرسائل : 61
    العمر : 30
    العمل/الترفيه : طالبه بس نصف مثالية
    المزاج : يعنى ربنا يستر عليكو منى على طول متقلب
    SMS : اهلا بيكم فى دوار العمده
    السٌّمعَة : 0
    نقاط : 76
    تاريخ التسجيل : 09/11/2009

    لعلة خير لنا جميعاً ..... ادخل وشوف ازاى لعلة خير

    مُساهمة من طرف محبه الله والرسول في الإثنين نوفمبر 09, 2009 11:20 am

    Crying or Very sad

    Evil or Very Mad

    دايما ووبابا لما كنا صغيرين بيحكى لينا حكايه قبل النوم كان يقولك ( كان يا مكان يا سعد يا اكرام ما يحلى الكلام الا بذكر النبى عليه الصلاة والسلام )

    وانا اقوم رده على طول عليه الصلاة والسلام ...

    جميل الكلام ديه
    يعنى انتو كمان صلو على النبى علشان هاحكى ليكو حدوته جميل صغنونه وحلوه واكيد هانتعلم منها

    واقولكو ايه يا حلوين كان يا مكان يا سعد يا اكرام ما يحلى الكلام الا بذكر النبى عليه الصلاة والسلام

    كان فى سالف العصر والاوان كان فى دوله بيحكمها ملك اسمه متفاءل بس ايه كان التفاءل ديه حاجه لا يعلم عنها اى شي يعنى اسم على الفاضى وبعدين كان متفاءل ليه خادم كان بيحب دايما يناقشه فى الامور الى بتشغل باله والخادم ديه كان اسمه انبهار انما فعلا اسم على مسمى كان دايما
    متفاءل ولما تحصل ليه اى اى حاجه بيقول خير ان شاء الله ولما سيده متفاءل كان يشكيله من حاجه حلصت ليه فى ملكه او فى حياته انبهار كان دايما
    يقوله لعله خير يا سيدى المهم فى يوم من الايام حصل فيضان فى المدينه الى بيحكمها متفاءل ودمرها كلها ولما متفاءل جيه يشكى همه وغمه لانبهار
    قام فوراً رادد عليه وقايله لعله خير يا سيدى متفاءل هوه فين الخير ديه مش باين المهم بعدها بيومين قام داخل غزو على المدينه ولما لقى المدينه مدمرة قام انبهار قايل لمتفاءل شايف يا مولاى علشان بس تعرف انى اى حاجه بتحصل لعله خير يعنى الغزو ديه لو كان دخل ودمرنا مكنياش هانقدر نقوم تانى وتدمير الفيضان اهون من الغزو المهم
    مرت اسبابيع ولسه متفاءل مش متفاءل خالص وخرج فى يوم متفاءل يتمشى على حصانه فى المدينه وكان موكبه امامه وطبعا جنبه انبهار خادمه العزيز فجاءه متفاءل قام متدحرج من على الحصان وواقع على الارض المهم انبهار لحقه وقايله لعلة خير يا سيدى قاله خير هوه فين الخير ديه وكان فى حارس ماشى امام انبهار وفجاة لاقوه وقع فى حفر غويطه عميقه كان ولاد القريه حفرينها مقلب فى الى يعدى من عليها يعنى لولا انه اتدحرج من على الحصان كان زمانه مشرف في الحفره ديه المهم لما انبهار شاف كده قاله قولت لجنابك لعلة خير يا سيدى قام متفاءل قايم متنرفز من شكله الى بقى وحش وقاله متقوليش الكلمه ديه تانى امامى يا انبهار .... وبعدها بكام اسبوع برضو والملك قاعد متسلطن بياكل وبيشرب ماسك السكنيه وبيقطع تفاحه قامت السكينه باين عليها مش بتعرف تميز بين التفاحه وبين ايد الملك قامت قطعه ايد الملك بدالها المهم لما متفاءل شاف الدم قام مزعق وقايل الحقونى قام انبهار جارى عليه وقايله مالك يا مولاء قام انبهار فجاة قام قايل لعلة خير يا سيدى قان الملك متنرفز لعلة خير طيب فين الخير الى
    هايجى من قطع ايدى عايز اعرف حراس دخلو انبهار السجن يمكن ينسى الكلمه ديه انا حزرتك يا انبهار متقوليش الكلمه ديه تانى ليا واخدوه الحراس على السجن وهوه ماشى انبهار قام قايل لعلة خير لى يا سيدى المهم الملك عاش حياتى بدون انبهار ومرت اسابيع وجيه ميعاد اليوم المفضل للملك الى بيخرج فيه ليصطاد ما لذ له وطاب وخرج معاه حراسه وانما المره ديه انبهار مش معاه والملك وهوه راكب على حصانه ومتسلطن قام لامح غزال مزغلل عينه قام جرى وراه والحراس فضلو يجرو بس الملك علشان فارس قديم سبق الحراس بكتير جدا لدرجه انه تاه منهم المهم الملك الفلحوس وهو عمال يجرى وراء الغزال الشارد ديه قام وقع فى فخ واتارى وقع فى ايد مين وقع فى ايد اكلى لحوم البشر لانه فضل يجرى مسافه كبيره نسى نفسه ولما وقع فى الفخ ديه اعد يستغيث الحقونى انقذونى المهم ظهر ليه اكلى لحوم البشر دول واخدوه للعشيره بتاعتهم وحضرو بقى الولائم علشان اصطادو فريسه وهايكلو بقى ماهو بقالهم كتير مكالويش متفاءل خايف وميت من الرعب هاتعملو فيا ايه هاتعملو فيا ايه ومش عارف مصيره يا عينى هايكون ايه المهم
    اتعلق خلاص هايبتدى ياكلوه حته حته وكان من عاده اكلى لحوم البشر دول لو اصطادو رجل يبتدو يقطعو اول حته فى جسمه من بدايه الايد بتاعته ولو ست من بدايه رجلها المهم
    متفاءل بقى لما لقى نفسه خلاص متعلق وهياتاكل يا عينى وايده اتفردت امامه علشان تتقطع فجاة قام مفزوعين اكلى لحوم البشر ياترى حصل ايه شافو ايد متفاءل وهيا ناقصه صباع قامو فجاة فكينه ورمينه بعيد ومتفاءل مستغرب ديه كان خلاص فاضل شعرة ويجرى فى معدتهم ايه الى حصل اتارى الحكايه وما فيها انى الناس دول لما يصطادو فريسه ويلقو فيها عيب بيقولو انى ديه غضب من الرب عليهم علشان بعت ليهم فريسه ناقصه حته وبيرمو الفريسه ديه فوراً ومتفاءل لما لقى نفسه نجى قام حامد ربه وقايل الحمد لله احمدك يا رب واشكر فضلك صح انبهار عنده حق يعنى لولا صباعى الى اتقطع كان زمانى دلوقتى متاكل يعنى انبهار لما كان ثالى لعلة خير كان عنده حق انا لازم افرج عنه لانه فعلا اى حاجه تحصل ليا لعلة خير
    المهم الملك رجع قصره تانى واول ما رجع قام امر بانى انبهار يتفرج عنه فوراً وخرج انبهار وحكى ليه الملك على الى حصل ليه وانبهار قايله شوفت يا مولاء يعنى اى حاجه تحصل لينا لازم نقول لعله خير ومتعرفيش الخير جايلك منين المهم قاله متفاءل صدقت يا انبهار لعلة خير بس قولى صحيح انت ليه وانت رايح السجن كنت عمال تقول لعلة خير لى يا سيدى انت كنت عارف انى هايحصل ليا كده ولا ايه قام انبهار قايله لا يا مولاى العلم بيد الله سبحانه وتعالى بس اكيد يا مولاى كنت هاتاخدنى معاك فى يومك ديه وطبعا علشان انا مش بفارقك خالص حتى فى سرعتك وراء فريستك كنت اكيد هاتمسك معاك ولما هما كانو هايلاقوك كده وايدك ناقصه صباع اكيد كانو هايرموك وهاتاكل لوحدى فالعله خير يا سيدى ..............................................


    شوفتو بقى ان اى حاجه تحصل لينا بتبقى خير وانى ربنا ليه حكمه فى حدوث اى حاجه فى حياتنا علشان كده لما تحصل ليا حاجه دايما نقول


    لعله خير لعله خير لعله خير

    وتوته توته خلصت الحدوته ويارب تعجبكو

    جزاكو الله خيراً
    avatar
    sun_rise
    كبير البلـــــد
    كبير البلـــــد

    عدد الرسائل : 2237
    الموقع : http://dawar-el3omda.tk
    العمل/الترفيه : عمده
    المزاج : اخر حاجه
    SMS : يا بلد نزرع فيكى القمح فى سنين تطلع الكوسه فى ثوانى
    السٌّمعَة : 17
    نقاط : 2954
    تاريخ التسجيل : 21/12/2008

    رد: لعلة خير لنا جميعاً ..... ادخل وشوف ازاى لعلة خير

    مُساهمة من طرف sun_rise في الإثنين نوفمبر 09, 2009 5:57 pm

    بجد قصه جميله اوى يا راندا
    واحلى حاجه فيها وانتى بتحكى كده
    رجعتينى لايام زمان ودلوقتى انا اصلا بحب اوى قبل ما انام اسمع حدوته
    هههههههههههههههه
    بجد مرسى ليكى جدا على المجهود الرائع ده
    ووعلى العيظه الى فى القصه
    الى هوه نرضى بقضاء الله وقدره
    ونعلم ان كل مايعطينا الله او ياخده او يفعله بنا فهو خيرا ان شاء الله



    محبه الله والرسول
    مولود جديد بالدوار
    مولود جديد بالدوار

    انثى
    عدد الرسائل : 61
    العمر : 30
    العمل/الترفيه : طالبه بس نصف مثالية
    المزاج : يعنى ربنا يستر عليكو منى على طول متقلب
    SMS : اهلا بيكم فى دوار العمده
    السٌّمعَة : 0
    نقاط : 76
    تاريخ التسجيل : 09/11/2009

    رد: لعلة خير لنا جميعاً ..... ادخل وشوف ازاى لعلة خير

    مُساهمة من طرف محبه الله والرسول في الإثنين نوفمبر 09, 2009 6:33 pm


    ربنا يكرمك يارب وشكرا اوى وعلى فكره كده هاخد مقلب فى نفسى ومحديش هايقدر يكلمنى بعد كده بس بجد سعيده انها عجبتك وبجد يارب كلنا نتعلم انى لما حاجه تحصل لينا نكون كلنا انبهار ونقول لعله خير يارب

    وتسلم العيون الى قرات والايد الى ردت وجزاك الله خيراً
    avatar
    emanghally
    الاميره الفصيحه
    الاميره  الفصيحه

    انثى
    عدد الرسائل : 466
    العمر : 30
    الموقع : على جزيرة الاحلام
    العمل/الترفيه : الاميرة الفصيحه
    المزاج : الحمدلله على كل حال
    SMS : لكل اذن كلمه ولعل اذنك ليست لكلماتى فلا تتهمنى بالغموض
    السٌّمعَة : 3
    نقاط : 581
    تاريخ التسجيل : 19/04/2009

    رد: لعلة خير لنا جميعاً ..... ادخل وشوف ازاى لعلة خير

    مُساهمة من طرف emanghally في الإثنين نوفمبر 09, 2009 11:54 pm

    تسلم ايدك ياقمر على القصة الجميله دى
    ويارب دايما كده ممتعانا بمواضيعك وقصصك الجميله زيك
    وياريت نتعظ من القصه دى ونرضى بقضاء ربنا دايما
    ونقول الحمد لله لعله خير ان شاء الله

    Twisted Evil

    محبه الله والرسول
    مولود جديد بالدوار
    مولود جديد بالدوار

    انثى
    عدد الرسائل : 61
    العمر : 30
    العمل/الترفيه : طالبه بس نصف مثالية
    المزاج : يعنى ربنا يستر عليكو منى على طول متقلب
    SMS : اهلا بيكم فى دوار العمده
    السٌّمعَة : 0
    نقاط : 76
    تاريخ التسجيل : 09/11/2009

    رد: لعلة خير لنا جميعاً ..... ادخل وشوف ازاى لعلة خير

    مُساهمة من طرف محبه الله والرسول في الثلاثاء نوفمبر 10, 2009 12:00 am


    تسلم ايدك انتى يا ست البنات وبجد الموضوع نور بوجودك فيه وتسلم الايد الى كتبت والعيون الجميله الى قرات

    وجزاك الله كل خيراً باذن الله تعالى

      الوقت/التاريخ الآن هو الثلاثاء أكتوبر 23, 2018 7:54 am